İşğal etilgen Qırım akimiyeti içki mahsulatnıñ satuvı boyunca qoşma yasaqlarnı kirsetti.
Mütenasip qarar oktâbr 22 künü Qırım «parlamenti» toplaşuvında alındı.
Qabul etilgen vesiqağa binayen, içki mahsulatnıñ satuvı saba saat 10-dan saat 23-ke qadar mümkündir.
Bunıñ ile işbu mahsulatnıñ satuvı boyunca territorial yasaqlar da kirsetildi. Qanunda yazılğanı kibi, onıñ satuvı sport yarışları keçken yerlerde, tibbiy müessiselerde, içtimaiy naqliyat, duraqlarda, AZS, çarşı, vokzal, ava limanlarda ve bala şeyleri satılğan tükânlarda mümkün degil.
Qanun resmiy aşkâr etilüvinden on kün soñra amelge keçecek.
