Link açıqlığı

Aman-aman 190 000 ukrainalı Saylayıcılarnıñ devlet cedvelini tizüv bölüklerine nevbetten tış parlament saylavlarında rey berüv yeriniñ vaqtınca deñiştirilmesi aqqında ariza berdi.

Merkeziy saylav komissiyası bergen malümatqa köre, olardan – 30 biñden ziyade kişi Donetsk ve Lugansk vilâyetleriniñ sakinleridir.

MSK malümatına köre, Qırım ve Aqyar sakinleri – Ukraina vatandaşları – prezident saylavlarında olğanı kibi, saylav adresini deñiştirmeyip, rey berüv yerini deñiştirecekler ve rey berecekler.

«Qırımnıñ 2864 sakini ve Aqyarda qayd etilgen 774 insan rey berüv yerini vaqtınca deñiştirmek imkânından faydalandılar», – dep bildirdiler Merkeziy saylav komissiyasında.

Taqvim planına binaen, rey berüv yeriniñ vaqtınca deñiştirilmesi aqqında arizalar oktâbr 20-ne qadar qabul etile.

Ukraina parlamentiniñ nevbetten tış saylavları oktâbr 26-da ötkerilecek.

XS
SM
MD
LG