2015 senesi Qırım mektepleriniñ mezunları Bir devlet imtianına kirmeycekler. Bu aqqında Qırım «Devlet şurasınıñ» tasil ve ilim komitet reisi Vladimir Bobkov bildirdi.
Böyle bir adım Qırım mektep talebeleri yañı şaraitlerge yalışsınlar dep, atıldı, – dep bildirji Qırım «ükümetiniñ» matbuat hızmeti.
Bundan ğayrı, Bobkovnıñ aytqanına köre, al-azırda 2016 senesinde ve, belki de, 2017 senesinde imtian berüv moratoriy çerçiveleriniñ kenişletilmesi aqqında mesele muzakere etilmekte. Onıñ qayd etkenine köre, Qırım mektepleriniñ 11 sınıf talebeleriniñ erkânı kontrol etile.
2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanımadılar.
