Ukraina havfsızlıq hızmeti Odessada teraktlarnın teşkil etilmesinde şeklengen insanlar gruppasınıñ areketine yol bermedi. İşbu birleşme azaları Qırımda azırlıq kördiler, dep qayd eteler Ukraina hızmetiniñ matbuat hızmetinde.
Yaqalanğan insanlar – «Kulikovo pole» teşkilâtınıñ azalarıdır. Üçü «Les», «Talib» ve «İntelligent» lağaplarınen belliler.
Ukraina havfsızlıq hızmetiniñ malümatına köre, avgust ayınıñ soñunda birleşme başlığı «Talib» Moskvağa barıp, «Novaya Rus» Koordinatsion merkezinden» vazife aldı. Böylece, o, Odessada cinayet gruppasını meydanğa ketirip, Ukrainağa qarşı kütleviy aktsiyalarnı teşkil etmek kerek edi.
«Talib» Pridnestrovye Rusiye mahsus hızmetleriniñ zabiti oña er şeyni añlata edi. Aynı bu insan Qırımda mahsus arbiy azırlıqnı teşkil etti. Azırlıqtan soñra olar Odessağa qaytıp, çeşit türlü aktsiyalar keçirecek ediler.
Berilgen malümatqa köre, yaqalanğan insanlarnıñ evlerinde keçirilgen tintüvler vaqtında silâ, patlav maddeleri, topografik haritalar ve arbiy edebiyat tapıldı.
Taqiqat işleri devam etmekte.
