Link açıqlığı

Ahtem Çiygoz: Milliy Meclis Rusiye qanunları boyunca qayd etilmeycek


Qırımtatar Milliy Meclisi cemaat teşkilâtları ve birleşmeler seviyesinde Rusiye qanunları boyunca qayd etilmeycek.

Bu aqqında Qırımtatar Milliy Meclisiniñ reis muavini Ahtem Çiygoz Qırım.Aqiqat saytına bildirdi.

«Mesele şunda ki, bizge cemaat teşkilâtı derecesinde qayd etilmege tevsiye eteler, lâkin bu imkânsızdır, çünki Qırımtatar Milliy Meclisi sylanğan temsiliy organıdır. Onı cemaat teşkilâtları ile bir sırağa qoymaq mümkün degil», – dep izaatladı o «Devlet şurasır» reis muavini Remzi İlyasovnıñ aytqanlarını.

«İlyasov Meclis reisiniñ muavini olmadı, Meclis azası olmağanı kibi kele. Çünki qayd etüv aqqında aytıp, belli bir şeklini aytmamaq, mence, bu, eñ azından, başqalarnıñ aytqanlarını yapmaqtır», – dep qayd etti Çiygoz.

Onıñ aytqanına köre, Meclis Qırım ve Rusiye akimiyetlerine qırımtatarlarnıñ temsil organını tanuv ve onıñnen dialog şekli boyunca tekliflerni aydınlatqan edi, dep ayta Çiygoz.

Qırımtatar Milliy Meclisi bu yılnıñ soñuna qadar qayd etilmesi mümkün. Rusiye qanunları boyunca qayd etilmek içün vaqıt daa bar, dep ayttı Qırım «Devlet şurasınıñ» reis muavini Remzi İlyasov.

İlyasovnıñ aytqanına köre, Meclis vekilleri ve Qırım akimiyeti teşkilât qayd etilmesi içün yılnıñ soñuna qadar er şey yapmalılar.

Qırımnıñ öz başına tayin etilgen baş naziri Sergey Aksönov bildirdi ki, Meclis resmiy şekilde qayd etilmese, olarnıñ arasında dialog olmaycaq. Qırımtatarlarnıñ liderleri – Mustafa Cemilev ve Qırımtatar Milliy Meclisiniñ reisi Refat Çubarovğa Qırımğa beş yıl devamında kelmege yasaq ettiler.

XS
SM
MD
LG