Link açıqlığı

Qırımda qırımtatar tili ve edebiyatını ögrenüv programmalarınıñ azırlanması aqqında bildirdiler


İşğal etilgen Qırımda tasil, ilim ve gençlik «nazirligi» «Qırımtatar tili» ve «Qırımtatar edebiyatı» fenleri boyunca farqlı seviyeli bir qaç oquş programmalarınıñ leyhalarını azırlay.

Qırım «ükümetiniñ» matbuat hızmeti bildire ki, böyle bir leyha ilk sefer azırlanacaq. Berilgen malümatqa köre, «qırımtatar tili ana tili ve ana tili olmağan til olaraq mektepten aldın teşkilâtlar ve Qırımnıñ umumtasil teşkilâtlarındaki 1-11-inci sınıflarında ögrenilecek».

Programmalarnı mektepten aldın, başlanğıç, esas ve orta tasilniñ Federal devlet tasil standartlarına köre azırlaylar, – dep qayd ettiler Qırım tasil «nazirliginde».

2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanımadılar.

XS
SM
MD
LG