Link açıqlığı

Akimiyetke qol tutqan qırımtatarlar «Qırım» cemaat areketini meydanğa ketirecekler


«Qırım» qırımtatarlarnıñ cemaat areketi aqımdaki seneniñ soñuna qadar şekillendirilecek. Qurultaynı dekabr ortasında keçirmege planlaştırıla. Ondan soñra areket kendi faaliyetini cumhuriyet ve Aqyardan tış – Rusiyeniñ sekiz regionında – tarqatmağa planlaştıra.

Bu aqqında «Qırım» areketini meydanğa ketirmek teşebbüsçilerinden biri, Qırımtatar Milliy Meclisiniñ sabıq azası Remzi İlyasov oktâbr 20-de Aqmescitteki matbuat konferentsiyasında bildirdi, dep haber ete Qırım.Aqiqat mühbiri.

Onıñ aytqanına köre, Rusiye qanunları boyunca meydanğa ketirilgen yañı areket Mecliske qarşı çıqmaycaq ve Qırım ve Rusiyeniñ federal akimiyetleri ile iş tutıp, qırımtatarlarnıñ problemlerinen oğraşacaq, «Qırımnıñ» esas maqsatlarından biri – 2020 senesine qadar halq ilerilemesiniñ köntseptsiyasını azırlamaqtır.

«Qırım» cemaat areketi qırımtatarlarnıñ idare alternativaları olaraq meydanğa ketirilmey, bizim aramızda em Meclis azaları, em de Qurultay delegatları bar. Bizler qırımtatar halqı aqqlarınıñ ğayrıdan tiklenmesi ve imayesi işinde evelden Qurultay belgilegen bazı ğaye ve printsiplerge qol tutamız. Bugünde-bugün er bir delegat ne yapılacağını tüşünmeli, em de Qurultay qarar alğanda mesülietli olmaq kerek», – dep qayd etti Qırım «devlet şurasınıñ» spiker muavini.

Meclisniñ daa bir sabıq azası – uquqçı Teyfuk Gafarov bildirdi ki, dekabr ayına qadar «Qırım» yarımada regionlarında 5-6 toplaşuv keçirip, yañı teşkilâtnıñ nizamnamesini belgileycek ve qurultay delegatlarını saylaycaqlar.

Umumen, İlyasovnıñ aytqanına köre, «Qırım» 10 subyektni qaplap almağa planlaştıra: Qırım, Aqyar, Krasnodar ülkesi, Tataristan, Başkortostan, Rostov-na-Donu, Samara, Moskva, Moskva vilâyeti ve Sankt-Peterburg.

Onıñ bildirgenine köre, «Qırım» «qapuları» ayrı faaller ve cemaat teşkilâtları içün açıqtır.

Malüm olğanı kibi, 2014 senesi avgust ayınıñ soñunda Qırımtatar Milliy Meclisi Rusiye tarafından işğal etilgen Qırım «akimiyetinen» ibirlik tutqan üç azanı Meclis erkânınan çıqardı. Olarnıñ arasında Remzi İlâsov, Teyfuk gafarov ve Zaur Smirnov barlar.

XS
SM
MD
LG