YUKOS cermay sabıq köntserniniñ yatırımcıları 2014 senesi iyül ayında YUKOS devletleştirilmesi içün Gaaganıñ halqara tretey mahkemesi belgilegen 50 milliar dollarlıq ödev çerçivesinde Avropa memleketleri ve Amerika Qoşma Ştatlarında Rusiye Federatsiyası mal-mülkiniñ tevqif etilmesini talap etecekler.
Yatırımcılarnıñ adliyecisi Tim Osborn Deutsche Welle neşirine bergen malümatqa köre, yaqın vaqıtta şikert saipleri Almaniya mahkemelerine muracaat etecekler. Bunan ğayrı, Frenkistan, Felemenk ve AQŞ mahkemelerine de şikâyet etmeleri mümkün.
Neşirniñ bildirgenine köre, Almaniya topraq mahkemelerinden birisi Gaaga mahkemesiniñ qararı FRG territoriyasında tanılsa degen fikirine kelse, yalıñı o vaqıt Almaniyada mahkeme işi baqılması mümkün. Böyle olsa, Almaniyadaki rusiye mal-mülki teşviq etile bile.
Gaaga mahkemesi Rusiyeni YUKOS şirketiniñ sabıq aktsionerlerine davada talap etilgen 114 mlrd dollar yerine 50 mlrd dollar ödemege mecbur etti. Bundan ğayrı, Rusiye mahmege 65 mln dollar tölemeli.
Beyanatta aytıla ki, Rusiye Energetik hartiyasını bozdı. Böylece, Rusiye Energetik hartiyası aqqında 13 (1) maddesini bozdı.
