Link açıqlığı

Saatnıñ esas haberi

Bağçasaray qomşu köy şuralarını qoşıp, şeer territoriyasını arttıracaq ola


İşgal etilgen Bağçasaray akimiyeti köy hocalıq topraqlarını qoşıp, şeer sıñırlarını deñiştirecek ola.

Bağçasaray şeer şurasınıñ şeer qurucılığı ve topraq qanunlarına riayet etüv boyunca vesiqa azırlanması ve nezart bölüginiñ yolbaşçısı Nadejda Artemenko bildirgenine köre, Bağçasaraynıñ baş planı regionnıñ kuratorı olğan Tataristan mütehassısları ile beraber azırlanıla.

«Novosti Krıma» malümatına köre, Tataristan müessiseleri baş plannıñ birinci variantlarını «Tatinvestproyekt» leyhası çerçivesinde taqdim ettiler. Tezden baş plan boyunca cemaat diñlevleri ötkerilecek.

Yanvar ayına qadar Bağçasaray şeeriniñ baş planı azır olmaq kerek.

Vesiqağa binaen, şeer territoriyası arttırılacaq.

Fevral ayında Bağçasarayda şeerniñ sıñırlarını deñiştirüv meselesi baqılğan edi, lâkin şeer akimiyeti bunı imkânsız olaraq tanıdı.

Şeer civarında köy hocalıq topraqları yerleşe. Köy şuralarınıñ sakinleri bu topraqlarnıñ Bağçasaray şeer sıñırları çerçivesine qoşmalarına qol tutsalar, şeer territoriyası arttırılacaq.

XS
SM
MD
LG