Link açıqlığı

Saatnıñ esas haberi

Matbuat vastaları: Qırım studentiniñ belgisiz qarışma ile zeerlenüvni ekspertiza tasdıqladı


Qırım studenti Belâl Belâlovnıñ ölüm sebepleri boyunca resmiy mahkeme-tibbiy ekspertiza zeerlenüv olğanını tasdıqlay. Bu aqqında «Krım Media» neşiri yaza.

Neşir Rusiyeniñ Qırımdaki Taqiqat komitetiniñ Baş taqiqat idaresiniñ resmiy vekili Yevgeniya Belikovağa esaslanıp bildire. Onıñ aytqanına köre, studentniñ ölüm sebebi belgisiz toksin qarışma ile zeerlenüv oldı.

Belikova studentniñ tam sintetik tütün qarışması ile zeerlengenini tasdıqlamadı.

Qırım.Aqiqat saytınıñ malümatına köre, bazarertesi künü, oktâbr 13-te, Qırımda eki genç ğayıp oldı. Vernadskiy adına Tavriya milliy universitetiniñ studenti – birinci kurs talebesi Artöm Dayrabekov, ve onıñ dostu Belâl Belâlov, Qırım müendislik pedagogika universitetiniñ birinci kurs talebesi, ğayıp oldılar.

Salı künü, oktâbr 14-te, Aqmescitte Sevastopolskaya soqağında Belâl Belâlovnıñ cesedi tapıldı. Qırımnıñ öz başına ilân etilgen ükümetine yayaqın olğan Krıminform saytı genç tütün qarışması ile zeerlenip, vefat etti, dep bildirgen edi.

XS
SM
MD
LG