Link açıqlığı

Moskva mahkemesi qırımlı Aleksandr Kolçenkonıñ apis müddet arttırılmasını qanuniy olaraq tanıdı


Moskva şeer mahkemesi bazarertesi künü, oktâbr 20-de, qırımlı Aleksandr Kolçenkonıñ apis müddetini 2015 senesi yanvar 11-ne qadar arttırmaq qararını qanuniy olaraq tanıdı. Onı Qırımda terakt azırlamasında qabaatlaylar. Bu aqqında TASS mühbiri bildire.

Mahkeme imaye şikâyetini red etip, «Kolçenko yalıñız cemaattan uzaq olıp, qaçmaz ve şaatlarğa tesir etmez», dep bildirdi.

Moskva şeer mahkemesi bazarertesi künü bu işniñ eñ meşur şahsı – ukrain rejissöri Oleg Sentsov – imayesiniñ aynı şikâyetini baqacaq.

Qırımda faşizmge qarşı küreşken içtimaiy faal Aleksandr Kolçenko 2014 senesi mayıs ayında Aqmescitte apske alınğan edi. Onı Moskvadaki «Lefortovo» SİZOsına yolladılar.

FSB taqiqatçıları onı, ve Qırımnıñ daa üç sakinini, şu cümleden ukrain rejissöri Oleg Sentsovnı, terroristik areketler, terakt azırlanması ve silânen qanunsız qullanuvda qabaatlaylar.

XS
SM
MD
LG