Aqmescitte ilk gece marşrutı çalışıp başladı – № 49A «Merkeziy Ava limanı – Trenöv bağçası».
Bu aqqında «Krım.Media» agentligi «Krımskiye perevozki» müessisesiniñ müdiri Ruşen Ablâkimovnıñ malümatına esaslanıp bildire.
Eki «Man» avtobusı saat 19:00 saat 9:00 qadar çalışacaqlar (saat 2:00 saat 5:00 qadar – teneffüs).
İşbu marşrut elverişli olsa, onıñ işi devam etecek. Şimdilik «Krımskiye perevozki» müessisesi yılnıñ soñuna qadar taşıma ruhsetini aldı.
Yol: «Merkeziy» ava limanı, Kezlev yolu, Persikovıy çarpazı, Kim soqağı, Gagarin soq., Lenin bulvarı, K.Marks soq., Jukovskiy soq., A.Nevskiy soq., Sovnarkomovskiy çarpazı, Sovetskaya meydanı, Kirov caddesi, Çehov soq. (Trenöv bağçası).
Qaytacaq yolu: Çehov soq. (Trenöv bağçası), Sevastopolskaya soq., Nekrasov soq., Kirov caddesi, Sovetskaya meydanı, Sovnarkomovskiy çarpazı, A.Nevskogo soq., Pavlenko soq., Lenin bulvarı, Gagarin soq., Kim soqağı, Kezlev yolu, «Merkeziy» ava limanı.
Yol parası – 10 ruble.
