Rusiye işğalinden soñ on biñlerce insan Qırımdaki evlerini terk etip, qıtaiy Ukrainada yerleştirmege mecbur oldılar. Lâkin yarım yıladn ziyade keçken soñ bile olarnıñ belli bir statusı yoq. Bazıları bank esaplarında ve kartlarında blok etilgen paranı bile qullanıp olamaylar.
Köçip kelgenlerniñ problemlerini mahsus qanun çezecek edi. Lâkin deputatlar onı qabul etmege aşıqmaylar, bu nelernen bağlı, aceba?
Bu aqqında, em ükümet Qırımdan köçip kelgen insanlarğa kösterecek yardım aqqında – «24» haber telekanalındaki «Qırım.Aqiqat» yayınında.
Studiya musafirleri – uquq qorçalayıcı Böris Zaharov ve Qırımdan mecburen köçip kelgen insanlarnıñ Şura koordinatorlarından biri Andrey Şçekun.
Leyha efirge cumaertesi künü oktâbr 11-de saat 18:30 (Aqmescit vaqtı boyunca saat 19:30) ve bazar künü oktâbr 12-de saat 11:30 (Aqmescit vaqtı boyunca saat 12:30) çıqa.
Azatlıq Radiosınıñ yañı leyhası – işğal etilgen Qırımdaki vaziyetni ögrenmege istegenler içün azırlanılğandır.
