İşğal etilgen Qırımdan Lvov şeerine köçip kelgen insanlar İbadet evini açacaq olalar.
Bu aqqında «Lvivska hvılâ» bildire.
«Şimdi qırımlılar Meçnikov ve Pod dubom soqaqlarındaki ibadet evlerini ziyaret eteler. Lâkin anda vaazlar arapça ve rusça berile, işğal etilgen Qırımdan köçip kelgenler ise kendi qırımtatar tilinde vaaz eşitmege isteyler», – dep bildire neşir.
«Qırımlılar Lvovtaki diniy küçüni añlaylar, ve qırımtatarlarda nasıl olğanını bileler. Lâkin İbadet evi merkezde degil de, etraflarda olmalı, çünki qırımlılarğa bu oñaytlı olmaycaq. Al-azırda bu mesele şeer şurası ile muzakere etile», – dep ayttı «Krım-SOS» teşkilâtından Alim Aliyev.
Bunıñnen beraber, neşirniñ malümatına köre, Lvov merkezinde qırımtatar medeniy merkezini açacaqlar.
«Al-azırda qırımlılar merkez içün bina ve sermiya qıdıralar. İşbu merkezde qırımtatar tili, medeniyeti ve dininen tanış etecekler. Galiçinadaki Qırım evini Lvov sakinleri içün de açıq etecek olalar. Bunıñ kibi Qırım evi Kiyevde açıldı», – aytıla beyanatta.
«Lvivska hvılâ» neşiriniñ qayd etkenine köre, şeer akimiyeti Lvovnıñ şeer mezarlıqlarından birinde qırımtatarlar içün yer ayırdı.
