«Memleket içinde köçip kelgen insanlarnıñ aqları ve serbestligi aqqında» qanunıñ qabul etilmesini memurlar sozalar, – dep haber eteler uquq qorçalayıcıllar. Olarnıñ fikirince, saylavlar arfesinde bir sıra siyasetçiler cemaatta kerginlik olmasını istey. Bu aqqında İnsan aqları boyunca Ukrain Helsin yuirliginiñ beyanatında aytıla.
Resmiy malümatlarğa köre, köçip kelgen insanlarnıñ sayısı 400 biñden ziyade oldı, uquq qorçalayıcı teşkilâtlarnıñ malümatına köre ise, olarnıñ sayısı eki qat ziyadedir.
Uquq qorçalayıcılarınıñ malümatına köre, mecburen köçip kelgen insanlar suvuq binalarda qalalar. Onıñ içün qış mevsiminde hastalıqlar çoq ola bile.
Mecburen köçip kelgen insanlarnıñ statusı aqqında qanun oktâbr 20-de Yuqarı Radanıñ nevbetten tış toplaşuvında qabul etile bile. Parlamentniñ bundan evel olıp keçken toplaşuvlarında cemaat ve uquq qorçalayıcı teşkilâtlarnıñ talaplarına baqmadan, öyle de qabul etilmedi.
