Link açıqlığı

Qırımnıñ öz başına ilân etilgen baş naziri Qıbrıznıñ sabıq prezidenti ile Rusiyege qarşı cezalarnı muzakere etti


İşğal etilgen Qırımda Qırımnıñ öz başına ilân etilgen baş naziri Sergey Aksönov Qıbrız Cumhuriyetiniñ sabıq prezidenti Dimitris Hristofias ile körüşti. Bu aqqında oktâbr 17-de Rusiye tarafından işğal etilgen Qırım ükümetiniñ matbuat hızmeti bildirdi.

«Men kendi aqlarını ğayrıdan tiklegen ve kendi evine – Rusiye Federatsiyasına – qaytqan Qırım halqına qol tutam. Eminim, Qırım ep bir tanılacaq. Şimdi, yazıq ki, Avropa ükümeti Amerika Qoşma Ştatlarınıñ reberligi altında qarar ala», – dep bildirdi Dimitris Hristofias.

Sergey Aksönov cezalar rejimi Rusiye Federatsiyasına iç bir zarar ketirmeycegini bildirdi, dep haber ete matbuat hızmeti.

2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanımadılar.

XS
SM
MD
LG