Link açıqlığı

Avropada beyan etkenlerine köre, Rusiye tarafından halqara qanunlarnıñ bozuluvı kоntinentniñ havfsızlığı içün telükelidir


Avropa Şurasınıñ yerli ve regional akimiyeti tarafından oktâbr Kongressi çerçivesinde «Ukraina ve qomşu devletlerde separatizm kerginligi» mevzusında munaqaşalar ötkerildi. Tedbirde iştirakçilerniñ ekseriyeti Ukrainağa qol tuttı, Rusiyeni ise takbih ettiler. Bunı Ukraina tış işler nazirliginiñ matbuat-hızmeti bildirdi.

Neticede Kongressniñ Devlaratsiyası qabul etildi, anda Rusiye Federatsiyasınıñ Ukraina vaqialarına arbiy kirişüvi qayd etildi.

«Kongress Rusiyeniñ Ukraina şarqına er türlü kirişüvini takbih ete, em de Rusiyeniñ qomşusına qarşı basqısına menfiy qıymet kese. Rusiye halqara qanunlarını bozğanı içün, kontinentniñ telükesizligi ciddiy havf astında buluna. Çetel arbiyler desteklegen silâlanğan separatizm kongress qol tutqan er şeyge zıt kele», – dep aytıla vesiqada.

«Qırım (Ukraina), Cenübiy Оsetiya ve Abhaziya (Gürcistan) ve Pridnestrovye (Moldova) ve Ukraina şarqında yüz bergen vaqialar biz qurğan Avropağa qarşı kele», – dep qayd ettiler Kongress iştirakçileri.

Avropa Şurasınıñ organları aytqanları kibi, olar Ukraina bütünligine qol tutıp, rusiyeli istilâsını takbih eteler.

XS
SM
MD
LG