Rusiye prezidenti Vladimir Putin Ukraina prezidenti Petro Poroşenko ile Milanda olıp keçken körüşüvini «yahşı ve müsbet» olaraq tanıdı.
İtaliya baş naziri Matteo Rentsi bildirdi ki, Milanda Rusiye ve Ukraina prezidentleri ile keçirilgen iş qavaltısınıñ neticeleri yahşı oldı.
«Bizler Ukraina boyunca subette müim bir adım attıq. Rusiyeni halqara problemler çezilmesine celp etmek kerekligini aytamız», – dedi İtaliya baş naziri, dep haber ete RİA Novosti.
Milanda Rusiye ve Ukraina prezidentleriniñ iştiragi ile iş qavaltısı bir buçuq saat sürdi. Putin ve Poroşenkodan ğayrı muzakerelerde İtaliya baş naziri Matteo Rentsi, Büyük Britaniya baş naziri Devid Kemeron, Almaniya kantsleri Angela Merkel ve Frenkistan prezidenti Fransua Olland, em de Avropa komissiyasınıñ reberleri Joze Manuel Barrozu ve Herman Van Rompets iştirak ettiler.
İş qavaltısı cuma künü Milanda açılğan «Asiya-Avropa» (ACEM) forumınıñ sammiti çerçivesinde olıp keçti.
Hatırlatamız, 2,5 saat devam etken körüşüvden soñ Rusiye prezidenti Vladimir Putin ve Almaniya kantsleri Angela Merkel Ukrainada yüz bergen zıddiyet sebepleri meselesinde bir neticege öyle de kelip olamadılar.
