Link açıqlığı

İşğal etilgen Qırımda kommunal hızmetleriniñ fiyatları arta


Oktâbr ayından itibaren işğal etilgen Qırımda elektrik energiyası ve suv tarifleri arttı.

Tahminlerge köre, JKH tarifleri ileride de artacaq.

«Oktâbr 1-den itibaren suv fiyatı 10%-ğa arttı. Yañı tarifler 2014 senesi dekabr 31-ne qadar belgilendi, ondan soñra fiyatlar arta bile», – dep bildirdi «Voda Krıma» müessisesi, yaza «Novoye vremâ» neşiri.

Elektrik energiyasınıñ fiyatı 15%-ğa arttı. Yılnıñ soñuna qadar fiyatlar daa 15%-ğa artması mümkün, dep qayd eteler «Qırımnıñ fiyat ve tarifleri boyunca devlet komitetiniñ» akimiyet vekilleri.

Malüm olğanı kibi, Rusiye Qırımnıñ 2015 senesi içün maliye etilmesini 4 qat eksiltti.

Hatırlatamız, Qırımdaki kommunal hızmetlerniñ fiyatları ardı-sıra artacağını vade etken ediler.

Qayd etmeli ki, bu seneniñ başından itibaren Qırımda aşayt mahsulatınıñ fiyatı 28,9%-ğa arttı. Meyva, et, içki ve tütün bayağı paalılaştı. Meyva fiyatları 50,8%-ğa arttı, et ise 43,5%-ğa arttı. İçki ve tütün fiyatları 40,5%-ğa arttı.

XS
SM
MD
LG