Noyabr 4-te Aqyarda ve Aqmescitte «Rus yürüşi» aktsiyanıñ keçirilmesi plalaştırıla.
Teşkilâtçılarınıñ añlatqanlarına köre, Aqyarda tedbir saat 11:00 Komsomolcılar skveri yanında başlanacaq. İştirakçiler Lenin soqağı boyu Nahimov meydanından Lazarev meydanına qadar yürecekler, dep haber ete e-Krım.
Aktsiya çerçivesinde «Dvijeniye protiv nelegalnoy immigratsii – Sevastopol» adlı teşkilâtnı taqdim etecekler.
Şeerniñ bütün Rusiye teşkilâtlarını aktsiyağa qoşulmağa çağırdılar.
Aqmescitte yürüşten ğayrı Qırım «Devlet şurasınıñ» binası yanında miting ötkerilmesi planlaştırıla.
Rus yürüşi – er yıl Rusiyeniñ farqlı şeerlerinde ve SNG memleketlerinde rus milletçi teşkilâtlar ve areketler tarafından keçirilgen yürüş ve mitinglerdir. Olar noyabr 4 künü Halq birligi kününen bağlı.
