Bugün Milanda Avropa ve Şarqiy Asiyanıñ 50-den ziyade memleketni birleştirgen «Asiya — Avropa» (ACEM) Forum teşkilâtınıñ sammiti açıldı.
İşbu körüşüv çerçivesinde cuma künü Ukraina ve Rusiye prezidentleri Petro Poroşenko ve Vladimir Putinniñ subeti keçirilecek.
Azatlıq Radiosınıñ malümatına köre, tedbirde Almaniya kantsleri Angela Merkel, Frenkistan prezidenti Fransua Olland, Britaniya baş naziri Devid Kemerov, İtaliya baş naziri Matteo Rentsi iştirak etecekler.
Angela Merkel qayd etti ki, al-azırda keçken ayda Minskte Ukraina şarqında cenkleşken separatistlerniñ vekilleri ile imzalanğan barışıq añlaşmalarğa riayet etüv eñ evelâ Rusiyege bağlı.
İtaliyadan kelmezden evel Vladimir Putin Sırbistan kütleviy haber vastalarına bergen intervyüsında Amerika prezidenti Barack Obamanı Rusiyege nisbeten duşman munasebetinde qabaatladı. Putin Obamanıñ BMT Baş assambleya toplaşuvında aytqanlarını hatırlattı. AQŞ prezidenti Rusiyeniñ Ukrainağa qarşı istilâsını dünyanıñ eñ büyük telükelerinden biri olaraq adlap, onı «İslâm devletiniñ» cenkçileri ve Ebola ile qıyasladı.
