Link açıqlığı

Saatnıñ esas haberi

Zair Smedlâyev: Qurmanda FSB daa bir qırımtatarını apske aldı


İşğal etilgen Qırımda daa bir insannı apske aldılar: Qırımtatar halqı Qurultayınıñ Merkeziy saylav komissiya reberi Zair Smedlâyevniñ bildirgenine köre, mayıs 3-te qırımtatarlarnıñ lideri Mustafa Cemilevni qarşılağanı sebebinden Musa Apkerimov yaqalandı.

Bunı Zair Smedlâyev Facebook saifesinde bildirdi.

Qırımtatar halqı Qurultayınıñ Merkeziy saylav komissiya reberi Zair Smedlâyevniñ Qırım.Aqiqat saytına bergen malümatına köre, oktâbr 16-da aqşam vaziyet deñişmedi, ve Musa Apkerimov SİZOda buluna.

Malüm olğanı kibi, İnsan aqları boyunca Qırım alan missiyası işğal etilgen Qırımda Ukrainağa qol tutqan faaller ve qırımtatarlar Rusiye havfsızlıq federal hızmeti ve uquq qoruyıcı organlar tarafından yaqalana.

Sentâbr ayında Qırımda qırımtatarlar toplu yaşağan yerler, Borçoqraq qasabasındaki cami, Aqmescit civarında yaşağan qırımtatarlarnıñ evi, em de Zuya qasabasındaki qırımtatar mektebinde tintüvler keçirilgen edi.

Sentâbr 16-da Qırımtatar Milliy Meclisiniñ azası Eskender Bariyevniñ evinde tintüv keçirildi. Daa bir tintüv Qarasuvbazar regional meclisiniñ reisi Mustafa Asabanıñ evinde keçirildi.

Bundan soñ Qırımtatar Milliy Meclisiniñ Aqmescitteki binasını sarıp aldılar.

Meclis vekilleri bunı «basqı» olaraq tanıylar.

XS
SM
MD
LG