Avropa Birliginiñ «Ukrainada regional inkişaf siyasetine qol tutuv» maliye leyhası Herson vilâyetine Avropa Birliginiñ 200 biñden 2 million yevroğa qadar miqdarında maddiy yardım almağa imkân berecek.
Bunı Ukrainada AB Temsilciliginiñ ekspertleri Dominik Papenhaym ve Anna Ososinskayanıñ Herson vilâyet devlet memuriyetiniñ reis mesleatçısı Valentina Seçevaya ile körüşüvinde muzakere ettiler.
Herson vilâyet devlet memuriyetiniñ matbuat hızmeti bergen malümatqa köre, leyha çerçivesinde vaqtınca işğal etilgen yerlerden köçip kelgen adamlarğa yardım etmek içün keçirilecek tedbirlerniñ «büyük grant programmaları» ömürge keçirile bile. Böylece, kommunal hızmetler, acele tamir işleri kibi meseleler çezile bile. Ukraina içün programmada iştirak etüv şartları daa da qolay – arizanı qısqa müddet içinde baqacaqlar.
