Link açıqlığı

Aksönov: Qırım «samooboronasınıñ» 100 biñ azası apske alına bile


Qırımnıñ öz başına tayin etilgen baş naziri Sergey Aksönov Qırım «halq imayesiniñ» 100 biñ azası apske alına bilecegini tanıdı.

Bunı o oktâbr 16-da Moskvada matbuat konferentsiyasında bildirdi.

Aksönov kene de «samooboronanı» qorçalaycaq amnistiya aqqında federal qanunnı aytıp keçti.

«Qırım samooboronası mında olğan qanunğa köre adaletli areket etti. Bu mevzudaki bazı yerlerni federal seviyede tasdıqlamaq kerek. Em de bir şeyni qayd etmek kerek, qarar alğanda kendi menfaatlarını tüşünmegen bütün insanlar, şu cümleden memurlar mesülietli olmaycaq», – dep ayttı Aksönov.

Rusiye Devlet dumasına Qırım «Devlet şurasınıñ» qanun çıqarıcı teşebbüsi keldi. Oña köre, Qırımnıñ «samooboronası» yapılğan ve yapılmağan cinayetler içün amnistiyağa oğratılacaq.

Uquq qorçalayıcılarnıñ fikirince, işbu qanun bunıñ kibi qanunsız areketlerni devam etmege imkân berecek, em de yarımadada Qırım işğalinden soñ olğan mal-mülk ve müessiselerniñ zaptına yol berecek.

Mart ayından berli yarımadada insan aqlarını bozalar. Mında Qırım «samooboronasınıñ» vekilleri de iştirak eteler.

XS
SM
MD
LG