Link açıqlığı

Ukrainanıñ meşur aliy oquv yurtlarınıñ bedava onlayn-kursları başlandı


Oktâbr 15-te Ukrainada Prometheus kütleviy onlayn-kurslarınıñ cemaat leyhası başlandı. İşbu leyha Şevçenko adına Kiyev milliy universiteti, Kiyev politehnik institutı ve Kiyev-Mogilân akademiyası ocalarından ders almağa imkân bere.

Prometheus kendi saytında kütleviy açıq onlayn-kurslarını açmaqnen beraber, universitet, mütehassıs ve şirket-liderlerine kendi saasında kurslarnı yerleştirmege imkân bere.

Leyha maqsadı – ayrı bir kurslar degil de, memleketimiz içün ğayet müim olğan mevzular boyunca dersler (biznes, IT, yabancı tiller, uquq, tarih ve il.), dep haber eteler leyha esasçıları.

Prometheus leyhasınıñ er bir kursı ukrain aliy oquv yurtlarınıñ videodersleri, interaktiv vazifelerden ibaret olacaq. Studentler ocalarğa sual bere bileler ve biri-birinen subetleşe bileler.

Böyle bir kurs içün bilgisayar ve internet yeterlidir.

Kursnı muvafaqiyetli keçken iştirakçiler bilgi alğanını isbatlaycaq elektron sertifikatını elde etecekler.

Birinci dört kütleviy onlayn-kursına bu saytta qayd etilmek mümkün: http://prometheus.org.ua

XS
SM
MD
LG