Rusiyelilerniñ yalıñız 14% işğal etilgen Qırımnıñ Ukrainağa keri qaytarmaq ğayesine qol tuta.
Böyle bir neticelerni «Levada-tsentr» rusiyeli içtimaiy hızmetiniñ soraştıruvı kösterdi.
Qırımnıñ Ukrainağa keri qaytarılmasına rey bergenlerniñ 79% qarşı çıqa, 8% – cevap berip olamadı.
Sorav neticelerine binaen, rey bergenlerniñ 16% Rusiye Ğarp talaplarına riayet etip, «DNR» ve «LNR» birleşmelerine qol tutmaqtan vazgeçmek kerek olğanını ayttı, 68% – qarşı, 17% cevap berip olamadı.
Rusiyelilerniñ ekseriyeti alâ daa «biri-birini cezalandıruv» vatandaşlar içün zarar olacağında emin. Rey bergenlerniñ 62% kendileri ve qorantaları içün ceza zararı olmaycağını tüşüne.
Dörtte biri cezalar memleketteki iqtisadiy vaziyetke menfiy tesir etecegini bekley.
Kün-künden cezalar Rusiyeniñ Ukrainağa qarşı siyasetine alâqası olğan adamlarğa qarşı degil de, bütün memleket ealisine qarşı qullanğanını tüşüngen insanlarnıñ sayısı ep arta.
Sorav 2014 senesi sentâbr 26-29 künleri keçirildi. Rusiyeniñ 46 regionında 134 mesken yerde 18 yaşını toldurğan 1630 insan rey berdi. 3,4% yañlış olması mümkün.
2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanımadılar.
