Link açıqlığı

Halqara toplulıqnı Rusiyeni Qırımda yapqan repressiyaları içün cezalamağa çağıralar


Ukrainada insanlarnı millet mensüpligine ayırım boyunca koalitsiya halqara toplulıq ve Ukraina akimiyetine muracaatta bulunıp, Rusiye tarafından işğal etilgen Qırımda insanlarnıñ aq-uquqları bozulmasını körmemezlikke urmamağa çağırdı. Olarnıñ fikirince, repressiyalar ciddiy iqtisadiy cezalarnıñ sebebi olmaq kerek.

Bu aqqında İnsan aqları boyunca malümat Merkezi Qırım.Aqiqat saytına bildirdi.

Mında etnik mensüpligi ve til boyunca diskriminatsiya, qırımtatar qorantları, medrese ve camilerdeki tintüvlerni qayd ettiler.

Qırımdaki diskriminatsiya ve repressiyalar aqqında ukrain ve halqara uquq qorçalayıcılar toqtamayıp aytalar. Ukraina tışqı işler nazirligi qırımtatarlar oğrağan vaziyetni «ekinci sürgünlik», dep adladı. Tışqı işler nazirliginiñ malümatına köre, al-azırda Qırımdaki repressiyalarnı yalıñız halqara toplulıq toqtata bile.

İnsan aqları boyunca malümat merkezi – uquq qorçalaycılar, cemaat faalleri ve kütleviy haber vastaları arasında bağ qurulması içün meydanğa ketirilgen bir leyhadır. Leyha Ukrainada insan aqlarına riayet etüv vaziyeti aqqında malümatnı tarqata.

XS
SM
MD
LG