Link açıqlığı

Uquq qorçalayıcı: bazı qırımtatarlar yarımadanı vaqtınca terk etmege mecbur olacaqtırlar


Bazı qırımtatarlar yarımadanı vaqtınca terk etmege mecbur olacaqlar.

Bu aqqında Rusiye prezidenti yanında insan aqları boyunca Şura azası, em de Qırımnıñ insan aqları boyunca alan missiyasınıñ reisi Andrey Yurov Vladimir Kara-Murzanıñ Azatlıq Radiosında çıqqan «Grani vremeni» yayınında bildirdi. Onıñ fikirince, martnıñ 16-na ya da 18-ne qadar, yani «referendum» keçirilgen zamanına qadar, yarımadağa qaytqan, lâkin kendisini qayd ettirmege yetiştirmegen insanlarğa tesir etecekler.

Onıñ zanınca, bu ciddiy bir problem olacaq, çünki qayd etilmegen qırımtatarlar «yabancılar ve diger devlet vatandaşları olaraq tanıla, demek ki, Rusiyede qanunsız alda qalalar».

Uquq qorçalayıcı Qırımda insanlarnıñ ğayıp oluvı ve esir aluvını, qırımtatar qorantalarınıñ evlerinde, cami ve medreselerde keçirilgen tintüvlerni de qayd etti.

Uquq qorçalayıcılar Rusiye tarafından işğal etilgen Qırımda qırımtatarlarğa yapılğan basqı aqqında bir qaç kere aytqan ediler.

Birleşken Milletler Teşkilâtınıñ Ukrainada insan aq-uquqlarına riayet etüv aqqında soñki maruzasında Qırımdaki vaziyet, şu cümleden qırımtatar halqı vekillerine nisbeten basqı qayd etile.

BMT İnsan aqları boyunca idare Qırım akimiyeti ve Rusiye akimiyetine qırımtatarlarğa qarşı basqı, qorquzuv areketlerini toqtatmağa ve yarımadanıñ er bir sakinine esas aqlarını kefil etmege çağıra.

XS
SM
MD
LG