Rosselhoznadzor oktâbr 21-den itibaren Rusiyege Ukrainadan ketirilgen ve ondan tranhit olaraq keçken bütün sebze ve meyvalarnı yasaq ete bile. Bu aqqında Rusiye hızmetiniñ matbuat hızmeti bildire.
Berilgen malümatqa köre, mında Ukraina Avropa Birligi memleketlerinden sebze ve meyvalarnı Rusiyege ketire degen fikir bar. Soñki vaqıtları qomşu devletten işbu mallarnıñ sayısı bayağı arttı.
Rosselhoznadzor Ukraina Gosvetfitoslujba hızmetine muracaatta bulunıp, 2014 senesi oktâbr 21-ne qadar aqımdaki sene Ukrainada işlep çıqarılğan sebze ve meyvalar ve olar alğan topraqlar aqqında malümat istedi.
Rusiye tarafınıñ malümatına köre, Ukraina tarafı işbu talaplarğa uymasa, Rosselhoznadzor Ukrainadan ve ondan keçip diger memleketlerden ketirilgen mallarnı vaqtınca sıñırlay bile.
Bundan evel Rusiye Ukrainadan süt ve süt mahsulatı, qaşqaval, bazı içki çeşitleri, qartop, künaylan, domuz ve tuvar etleriniñ ketirilmesini toqtattı.
