Qırım Ukraina terkibine qaytarılmağance, Hersonda tınçlıq olmaz, dey Meclis reisi Refat Çubarov. Херсонские вести bildirgeni kibi, bunı o, çarşenbe künü Herson vilâyetinde bulunğan vaqıtta ayttı.
«Siz «Qırımnen ne olsa -olsun, eñ esası Hersonda er şey yahşı», dep belleseñiz, yañlışasıñız. Hersonda er şey yahşı olması içün, Rusiye Qırımnı terk etmeli», – dedi Çubarov.
Onıñ fikirince, Qırımnı qaytarmaq maqsadında, Herson vilâyeti iqtisadiy cietinden Ukraina tarafından daa ziyade desteklenmeli.
«Men Herson vilâyetinde yaşamayım, aqıl ögretmege kelmedim, eñ çoq Qırımnıñ Ukrainağa qaytarılması ve qırımtatarlarnıñ vaziyetini tüşünem, onıñ içün Herson ileri ketmegence biz bu meseleni çezip olamamız, dep belleyim. Eñ esas maqsadım Qırımnıñ qaytarıluvıdır, bu meseleniñ al etilüvi Herson vilâyetiniñ siyasiy ve iqtisadiy ilerilemesinen bağlı», – dep qayd etti Çubarov.
Martnıñ 16-nda Qırım ve Aqyarda referndum ketçi. Onıñ neticelerine esaslanıp, Rusiye Qırımnı öz terkibine qoştı. Ukraina, Avropa Birligi, AQŞ bu rey berüvni tanımadı.
