Ukraina baş naziri Arseniy Yatsenük bildire ki, Rusiye ile viza rejimini kirsetmek ihtiyacı olsa, bu adım atılacaq. Bunı o çarşenbe künü, oktâbr 15-te, «24» kanalındaki « Şuster live» yayınında bildirdi, – dep haber ete UNİAN.
Baş nazirniñ malümatına köre, sıñırda ve gümrükhanede Ukrainağa kelgen rusiyelilerniñ areketlerini nezaret etken mahsus sistema çalışa.
Böylece, onıñ aytqanına köre, «Borispol» ava limanında mahsus taqımlar çalışa. Olarnıñ sayesinde Ukrainağa belli bir maqsatsız kelgen rusiyeliler keri yollanıla.
