Link açıqlığı

Qırım akimiyeti yarımadadaki medeniy yadikârlıqlar böyunca acele sürette teftiş işlerini keçirecek ola


Rusiye tarafından işğal etilgen Qırımda yerli «akimiyet» «tarihiy-medeniy yadikârlıqlar alınıñ acele teftişini keçirecek ola». Bu aqqında Qırım «Devlet şurası» reisiniñ muavini Remzi İlyasov oktâbr 14-te bildirdi, – dep haber ete Qırımnıñ öz başına ilân etilgen ükümetine yaqın olğan Krıminform saytı.

Onıñ bildirgenine köre, yarımadada tarih ve medeniyetniñ biñden ziyade yadikârlığı mevcut, olarnıñ ekseriyeti «ögrenilmedi, unutıldı ya da yoq etildi».

O, Tataristan Cumhuriyetiniñ tecribesini misal olaraq kösterdi. Onıñ zanınca, anda tarihiy-medeniy miras saqlap qalmasına em devlet, em de cemaat büyük isse qoşa.

İşğal etilgen Qırım «ükümeti» Eski Qırımdaki Özbek Han Camisiniñ inventarizatsiyasını yapacaq ola.

2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı kendi terkibine qabul etti. Ne Ukraina, ne Avropa birligi, ne Amerika Qoşma Ştatları işbu rey berüvni tanımadılar.

XS
SM
MD
LG