Link açıqlığı

Ekspert: Putin onıñ rejimine qol tutqan qırımtatarlar ile dialog olmasını tasvirleycek


Rusiye prezidenti Vladimir Putin yalıñız onıñ rejiminen razı olğan qırımtatarlar ile «dialog-rejimge» başlaycaq. Böyle bir fikirni Ukrain mustaqil siyasiy tedqiqler merkeziniñ eksperti Yuliya Tişçenko Qırım.Aqiqat saytına seslendirdi.

Malüm olğanı kibi, oktâbr 14-te oktâbr 14-te Rusiye yazıcısı Nikolay Svanidze İnsan aqları boyunca Şura toplaşuvında Rusiye prezidenti Vladimir Putinge Qırımda insanlar ğayıp olğanı aqqında bildirdi.

Putin bundan haberi olmağanını bildirip, vaziyetni ögrenecek, dep işandırdı.

Jurnalist ve uquq qorçalayıcınıñ bildirgenine köre, o, Rusiye akimiyetini «temsil institutları, şu cümleden, Meclis ile dialogğa başlamağa» çağırdı.

Jurnalistniñ aytqanına köre, Putin oña bu meselege diqqat ayırğanı içün teşekkürler bildirdi.

Birleşken Milletler Teşkilâtınıñ Ukrainada insan aq-uquqlarına riayet etüv aqqında soñki maruzasında Qırımdaki vaziyet, şu cümleden qırımtatar halqı vekillerine nisbeten basqı qayd etile.

BMT İnsan aqları boyunca idare Qırım akimiyeti ve Rusiye akimiyetine qırımtatarlarğa qarşı basqı, qorquzuv areketlerini toqtatmağa ve yarımadanıñ er bir sakinine esas aqlarını kefil etmege çağıra.

XS
SM
MD
LG