Oktâbr 15-te Hersonda İstanbul-Herson-İstanbul ava seferleriniñ tantanalı açılşı tedbiri olıp keçti. Herson vilâyet devlet memuriyetiniñ malümatına köre, ava seferleri aftada dört kere yapılacaq.
«Bugün Herson vilâyetiniñ tarihında yañı saife açıldı: Tavriya topraqlarına İstanbuldan kelgen ilk uçaq endi. «Türk hava yollarınıñ» yañı ava seferi vilâyet ve onıñ civarındaki regionlarnıñ sakinleri içün Avropa ve bütün dünya yollarını açtı. Hersondan İstanbulğa kelip, dünyanıñ er bir yerine bara bilesiñ, şirket uçuşları cedveline kirgen 260 yönelişten ziyade açıq oldı», – dep bildirdi vilâyet devlet akimiyetiniñ reisi Andrey Putilov.
Putilovnıñ qayd etkenine köre, 2015 senesi baarde Hersondan Kiyev ve Frankfurtqa ava seferleri olacaqtır.
Malüm olğanı kibi, noyabr ayından itibaren Herson vilâyetinde Skadovsk parom keçitinden Herson limanları arasında bağ quracaq olalar.
