Aqmescit soqaqlarından birinde cesedi tapılğan student zorbalıqsız öldi. Onıñ dostu uquq qoruyıcı organlarğa ortağınen beraber tütün qarışmasını qullağanlarını bildirdi. Bu aqqında Qırım içki işler nazirliginiñ matbuat hızmeti bildire.
Al-azırda taqiqattan evel teşkerüv keçirile. Keçirilgen tekşerüv çerçivesinde bir sıra ekspertizalar yapılacaq, onıñ neticesinde ölüm vaqtı ögrenilecek.
Malüm olğanı kibi, salı künü, oktâbr 14-te, Aqmescitte ğayıp oolğan gençlerden biri Belâl Bilâlovnıñ cesedi tapıldı. İlk malümatlarğa köre, oğlan tütün qarışması ile zeerlenip öldi. Ekinci student, Artöm Dayrabekovnı, ekimler qorçaladılar.
Gençler bazarertesi künü künü ğayıp oldılar. Soy-sopları politsiyağa muracaat etken ediler.
Aqmescit uquq qoruyıcıları oktâbr 15-te bildirdiler ki, Aqmescit eglence salonlarınıñ birinde tütün qarışmalarınıñ («spays») satıcısı yaqalandı. İlk malümatlarğa köre, student Belâl Bilâlov bu qarışma ile zeerlenip, vefat etti.
