Link açıqlığı

Qırım «prokurorı» Natalya Poklonskaya bildirdi ki, qırımtatar halqı liderleriniñ Qırımğa kiriş yasağı «milletlerara dava doğurmağa tırışqan şahıslarnıñ faaliyetini eksiltti». Bunı Poklonskaya TASS neşirine bildirdi.

«Bizim vazifemiz – milletlerara munasebetler saasında davağa yol bermemektir, çünki bu mesele pek müimdir. Mence, eki kere Refat Çubarovğa ekstremistik faaliyet olmamamaq kerekligi aqqında eki tenbi doğru bu qarardır. Yarımadada zıddiyet doğuracaq olğan adamlarnıñ, üçünci şahıslarnıñ, faaliyeti eksildi», – dedi o.

Poklonskayanıñ malümatına köre, Qırım halqları er daim barışıqta yaşadılar, «onıñ içün dava doğurmaq ıntıluvları neticesiz olacaq».

Malüm olğanı kibi, Rusiye qırımtatar halqınıñ liderleri Refat Çubarov ve Mustafa Cemilevge 5 yıl devamında Qırımğa kelmege yasaq etti.

XS
SM
MD
LG