Link açıqlığı

Ukraina tasil nazirligi işğal etilgen Qırım mezunlarına attestatlarnı qıtada almağa tevsiye ete


İşğal etilgen Qırım, em de Donetsk ve Lugansk vilâyetleriniñ mezunları Ukrainanıñ diger oquv yurtlarında devlet attestatını ala bilecekleo. Bu aqqında Ukraina tasil ve ilim nazirliginiñ matbuat hızmeti bildire.

«Ukraina tasil ve ilim nazirligi işbu regionlarnıñ 11-inci sınıf talebelerine Ukrainanıñ diger oquv yurtlarında devlet attestatsiyasını keçip, resmiy devlet vesiqalarnı almağa tevsiye ete», – aytıla beyanatta.

Nazirlikniñ qayd etkenine köre, işğal etilgen Qırım akimiyeti tarafından azırlanğan tasil aqqında iç bir vesiqa ne Ukrainada, ne de çetel memleketleri tarafından qabul etilmeycek.

2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı kendi terkibine qabul etti. Ne Ukraina, ne Avropa birligi, ne Amerika Qoşma Ştatları işbu rey berüvni tanımadılar.

XS
SM
MD
LG