Jurnalist ve Rusiye prezidenti yanında insan aqları boyunca Şura azası Nikolay Svanidze Rusiye prezidenti Vladimir Putinni qırımtatar cemiyeti ile dialog başlamağa çağırdı. Rosbalt neşiriniñ malümatına köre, Nikolay Svanidze Putinniñ İnsan aqları boyunca Şura azaları ile körüşüvinde bu mevzuğa diqqat ayırdı.
Nikolay Svanidzeniñ fikirince, qırımtatarlarnıñ vaziyeti pek qıyın. Böylece, «qırımtatar halq ve merkeziy akimiyet arasında dialog yoq».
Jurnalist ve uquq qorçalayıcınıñ bildirgenine köre, o, Rusiye akimiyetini «temsil institutları, şu cümleden, Meclis ile dialogga başlamağa» çağırdı.
Uquq qorçalayıcı qayd etti ki, «bu halqqa sayğı köstermeli».
Jurnalistniñ aytqanına köre, Putin oña bu meselege diqqat ayırğanı içün teşekkürler bildirdi.
Aynı vaqıtta Svanidzeniñ zanınca, «bu yalıñı umumiy laf, bu körüşüvniñ neticelerini ömürge keçirmek daa da müim».
Malüm olğanı kibi, oktâbr 14-te Rusiye yazıcısı Nikolay Svanidze İnsan aqları boyunca Şura toplaşuvında Rusiye prezidenti Vladimir Putinge Qırımda insanlar ğayıp olğanı aqqında bildirdi.
Pütin bundan haberi olmağanını bildirip, vaziyetni ögrenecek, dep işandırdı.
