Link açıqlığı

Aqyarda qırımtatarlarnı mesken almaq içün ealini cedvelge aluv tedbirlerinde iştirak etmege qandıralar


«Bütün Qırım ealini cedvelge aluv esnası 1944 senesi Qırım yarımadasından sürgün olunğan qırımtatarlarnıñ balalar sayısını belgilemege imkân berecek. Bu aqqında oktâbr 14-te Aqyar gübernatorınıñ muavini Miroslav Pogorelov jurnalistlerge bildirdi», – dep haber ete Qırımnıñ öz başına ilân etilgen ükümet ruporı Krıminform saytı.

Onıñ qayd etkenine köre, şeer ükümetiniñ vekilleri bu mevzuda qırımtatar cemiyetiniñ reberleri ile körüştiler.

Bundan ğayrı, onıñ aytqanına köre, Aqyardaki qırımtatar qorantalarında doğuv seviyesi orta seviyeden yüksektir, onıñ içün şeerde qırımtatarlarnıñ sayısı 5 biñden ziyade olması mümkün.

Malüm olğanı kibi, Aqyarda ve işğal etilgen Qırımnıñ diger regionlarında oktâbr 14-25 künleri ealini cedvelge alacaqlar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG