Rusiye prezidenti Vladimir Putin dedi ki, Ukraina vatandaşları olğan bazı qırımtatarlar halqara sanalarda çıqışta bulunıp, qırımlılarnıñ aqlarını qoruylar.
Vladimir Putin oktâbr 14-te İnsan aqları boyunca Şura toplaşuvında bildirdi ki, Qırımda millet mensüpligi sebebinden dava olmamaq kerek, – dep haber ete TASS.
«Anda qırımtatarlardan ğayrı yunan, ukrain, alman ve ruslar yaşaylar. Bu saada olğanlarnı adamlar farqlı añlay bileler. Bir de bir kerginlik olmasına yol bermemek kerekmiz», – dedi o.
Rusiye prezidenti qayd etti ki, qırımtatarlar arasında Ukraina vatandaşlığından vazgeçmegen ve Rada deputatları olıp, Ukraina adından halqara tedbirler çıqışta bulunğan insanlar bar.
«Aynı vaqıtta olar Qırımda yaşap, Rusiye vatandaşlığını qabul etken insanlarnıñ menfaatlarını qoruycaq olalar», – dep tekrarlay Putinniñ aytqanlarını neşir.
Malüm olğanı kibi, oktâbr 14-te İnsan aqları boyunca Şura toplaşuvında Putin Qırımda insanlar ğayıp olğanından haberi olmağanını bildirdi. Rusiye prezidenti meseleni ögrenmege vade etti.
