Link açıqlığı

Saatnıñ esas haberi

Putin Qırımda insanlar ğayıp olğanı aqqında haberi olmağanını ayttı


Rusiye prezidenti Vladimir Putin
Rusiye prezidenti Vladimir Putin

İnsan aqları boyunca Şura toplaşuvında Rusiye yazıcısı Nikolay Svanidze Rusiye prezidenti Vladimir Putinge Qırımda insanlar ğayıp olğanlarını bildirdi. Oktâbr 14-te TASS bergen malümatqa köre, Vladimir Putin «bu malümatnı ögrenecek», dep vade etti.

«Buña diqqat ayırğanıñız içün minnetdarım. Anda insanlar ğayıp olğanını ilk sefer eşitem – bunı kim yapa, ne sebepten belli degil», – dep ayttı Rusiye prezidenti.

Birleşken Milletler Teşkilâtınıñ Ukrainada insan aq-uquqlarına riayet etüv aqqında soñki maruzasında Qırımdaki vaziyet, şu cümleden qırımtatar halqı vekillerine nisbeten basqı qayd etile.

BMT İnsan aqları boyunca idare Qırım akimiyeti ve Rusiye akimiyetine qırımtatarlarğa qarşı basqı, qorquzuv areketlerini toqtatmağa ve yarımadanıñ er bir sakinine esas aqlarını kefil etmege çağıra.

XS
SM
MD
LG