Oktâbr 14-te işğal etilgen Qırımda Rusiye akimiyeti tarafından ilân etilgen ealini cedvelge aluv başlay.
Qırımlılarğa 33 sualge cevap bermege teklif etile. Anketada insannıñ yaşav yeri, aile alı, milleti, kâr seviyesini qayd etmek kerek olacaq. Bundan ğayrı, insan yaşağan evni de qayd eteler. Qırımda vaqtınca yaşağan insanlar içün mahsus anketa kirsetilgen. Olar ziyaret maqsadını ve müddetini qayd eteler, dep haber ete Qırımnıñ öz başına ilân etilgen akimiyet ruporı Krıminform saytı.
Krımstat hadimi Yelena Tviroviç jurnalistlerge bergen malümatqa köre, insanlar kendileri qarar alalar, cevap bermegemi cevap bermemegemi.
Ealini oktâbr 25-ke qadar cedvelge alacaqlar. Bu maqsatlarğa federal bücettten 387 million ruble ayırıldı.
Rusiye prezidenti Vladimir Putinniñ bildirgenine köre, bu tedbirler yarımada inkişaf programmasını tizmek içün kerek.
