Aqmescit rayonınıñ mekteplerinden birinde ukrain tilinde kitap ve dersliklerni toplap, çöplük obasını yaptılar ve mektep talebeleriniñ ögünde olarnı yoq etmege başladılar.
Bu aqqında Qırımtatar Milliy Meclisiniñ azası Eskender Bariyev Facebook saifesinde bildirdi.
«Bizim mektebimizde ukrain tilinde ve Ukraina aqqında kitap ve dersliklerni topladılar. Olardan çöplük obasını yaptılar. Ve mektep talebeleriniñ ögünde olarnı yırtıp başladılar. Bazı talebeler kitaplarnı evlerine alacaq ediler, lâkin olarğa izin berilmedi. Talebelerni kitaplarnı yoq etmege zorladılar. Bazı talebeler vazgeçtiler. Men bir kitapnı alıp kettim, bu ukrainca-inglizce luğat edi. Daa alacaq edim, lâkin imkân olmadı...», – dep añlattı talebelerden biriniñ teessuratlarını Bariyev.
Meclis azası qasevetlene, çünki kitaplarnı ocalar yoq eteler.
«Söz sırası, ukrain ve qırımtatar tillerinde (Qırımda devlet tilleri sayılğan) kitaplarnı endi yoq etken ediler. 1783 senesi Qırım işğalinden soñ qırımtatar tilinde kitaplarnı aynı sürette yoq ete ediler», – dep hatırlattı Bariyev.
Bundan evel faaller Aqyarda kitaplarnı yaqmağa fursat bermediler. Edebiyatnı Donbassqa yolladılar.
