Rusiyeniñ Qırım işşğali devamında yarımadağa 1,5 biñ arbiy tehnika ketirildi. Rusiye ordusınıñ sayısı 40 biñge qadar arttırıla bile. Bu aqqında ATO matbuat merkezi bildire.
«Yarımadanıñ şimdiki vaziyetine köre, Qırım Ukraina içün arbiy ceetten telükeli bir yönelişke çevirile, Qırımdan Ukraina içün arbiy-strategik telüke bar. Ukraina kelecek yılları içün mudafaa strategiyasını tizgende bunı köz ögüne almalı», – aytıla beyanatta.
RNBO bildire ki, ukrain arbiyleri işğal etilgen Qırımda Rusiye arbiy tehnikasınıñ areket etkenini qayd ete. Qırım şimalinde Rusiye Federatsiyası Silâlı Quvetleriniñ bölükleri ep areket ete.
Rusiye Federatsiyasınıñ mudafaa naziri Sergey Şoygu dedi ki, Ukrainadaki vaziyet kerginleşkeni ve kendi sıñırlarnıñ yanında çetel arbiyler çoqlaşqanı sebebinden Qırım yönelişinde ordunı pekitmeli.
