Link açıqlığı

Brüsseldeki NATO ştab-kvartirasında Ukraina eyyeti bazarertesi künü arbiy islâat meseleleri boyunca Ukraina-NATO işçi gruppasınıñ nevbetteki toplaşuvında iştirak etti, em de alyansnıñ arbiy-siyasiy erkânınıñ reberligi ile bir sıra körüşüvler keçirdi, dep haber etti Ukraina mudafaa Nazirliginiñ matbuat hızmeti.

NATO vekilleri Ukrainağa havfsızlıq ve mudafaa ceetten er taraflı yardım kösterecegini bildirdiler. Bundan ğayrı, qabarcılıqnen küreş, hadimlerniñ tecribesini arttıruv saasında qol tutacaqlarında işandırdılar.

Keçirilmesi noyabr ayına belgilengen gruppanıñ nevbetteki toplaşuvı mudafaa inkişafınen bağlı olacaq.

Bundan ğayrı, körüşüvler vaqtında taraflar NATO ve Ukraina arasında ileri işbirlik meselelerini muzakere ettiler.

Körüşüvler neticesinde arbiy-siyasiy dialognıñ devam ettirilmesi aqqında añlaştılar. Yañı leyhalar ömürge keçirilecek, Ukraina Silâlı quvetleriniñ arbiy imkânları quvetleştirilecek, dep keliştiler.

Ukraina sabıq prezident Viktor Yanukoviç belgilegen bloktan tış statusında qala, lâkin Şimaliy atlantik alyans ile işbirlik munasebetlerini inkişaf ettirmege devam ete. Ukraina siyasetçileri NATO ile birleşmek ihtiyacı aqqında aytalar.

XS
SM
MD
LG