İşğal etilgen Aqyarda et fiyatı köterile. Bu mevzunı oktâbr 13 künü şeer «ükümeti»niñ apparat toplaşuvında köterdiler, – haber ete Qırımnıñ öz başına tayin etilgen akimiyetiniñ «ruporı» Krıminform saytı.
İstimal çarşısı ve litsenziyalaşuv aqyar idaresiniñ yolbaşçısı Nikolay Lişenko qayd etkeni kibi, et fiyatlarınıñ paalılaşuvı «aşlıqlar, yardımcı malzeme, yaqarlıq ve anbarlarnıñ kira fiyatı köterilüvi ile bağlı»dır.
«Et» mahsulatına, keçken aftağa köre, aşğariy fiyatlarnıñ köterilüvi qayd etile. Şu cümleden, tuvar etine fiyatalar 13%, domuz etine – 7%, tavuq etine – 6,7% köterildi»,– dedi Lişenko.
«Et fiyatlarınıñ köterilüvi sebebinden kolbas mahsulatınıñ fiyatları da 5-8% paalılaştı. İstimal çarşısında sarı yağ fiyatı 7% paalılaştı, süt mahsulatına 5,5%», – dedi Lişenko.
Lişenko şunı da qayd etti ki, Qırımda tuvar eti, Aqyarda olğanına köre, 25-30% ücüzdır.
