Link açıqlığı

Qırım studentlerini ameliyatqa Qaraçay-Çerkesiyağa yollaycaqlar


İşğal etilgen Qırımda Vernadskiy adına universitetiniñ studentlerini ameliyatqa Karaçay-Çerkessiyağa yollaycaqlar. Aliy oquv yurtunıñ turizm kafedrasınıñ dotsenti Yekaterina Lukyanenko qayd etkeni kibi, bu kibi qaideler universitette daa SSSR vaqtında işley edi, – dep haber ete TASS.

«Men Qaraçay-Çerkessiya cumhuriyetine qırım studentleriniñ işbu regionda olacaq ameliyatı aqqında qonuşmaq içün keldim. Soñ yılları böyle imkânımız yoq edi», – dedi o ve cumhuriyette yahşı tabiat ve tarihiy-medeny asabalığı olğanını qayd etti.

Lukyanenko şunı da bildirdi ki, tahminen 60 yıl devamında Qırım universitetiniñ coğrafiya fakultetiniñ studentleri Dombay ve Arhızğa kele ekenler.

«Şimdi mında turizm saasındaki mütehassıslar içün de güzel bir meydançıq peyda oldı. Mezunlarımızğa Qırımnıñ turizmini inkişaf etip, onı Rusiye turizmine qoşmaq kerek», – dedi o.

İlk sefer studentler bu regionğa 2014-2015 seneleri qış mevsiminde barmaq kerekler.

XS
SM
MD
LG