2014 senesi oktâbr 11-13 künleri Eskişehirde Qırım vaziyeti üzerinde ötkerilgen toplaşuv keçirildi. Toplaşuvnıñ soñunda aşağıdaki neticeler alındı:
2014 senesi fevral ayında referendumnıñ neticesinde Rusiyeniñ Qırım işğali aqqında ilânı Qırımnıñ tamır halqı olğan qırımtatarları, Halqara teşkilâtlar ve Halqara toplulığı tarafından tanılmağan.
Rusiye Qırımnıñ işğali ile 1994 senesi Budapeştte alınğan añlaşmanıñ qaidelerini bozdı.
Qırımtatarlarnıñ milliy yetekçisi Mustafa Abdulcemil Qırımoğlu, qırımtatar milliy Meclisiniñ reisi Refat Çubarov ve diger faaliyetçilerni Qırımğa kirsetmegen bütün ayırımlar deral toqtatılmalı.
Qurultay ve qırımtatar milliy Meclisi qırımtatarlarnıñ yekâne temsiliy organları ve olardan ğayrı başqa bir teşkilâtnıñ olması mümkün degil.
Qırımda insan aqları ve halqara aqlarınıñ bozuluvı ile matbuat vastalarınıñ ögündeki manialar yoq etilmeli.
Rusiye işğali ile qırımtatarlarnıñ Vatanında yaşamasına, ibadet etüvine ve tasil almasına keder etken taqip, öldürüvler toqtatılmalı.
Yılnıñ soñunda Türkiye ve Rusiye arasında olacaq «işbirlik boyunca körüşüvi» ve Türkiye ile Rusiye arasında ötkerilecek bütün toplaşuvlarda qırımtatarlar ile bağlı meseleler kün tertibine çıqarılmalı.
Qırımtatarlarınıñ milliy asabalığınıñ qoruvı içün İslâm Şurası, ОBSE, Avropa birligi, Avropa Şurası ve BMT kibi teşkilâtlarğa muracaat etilmeli.
Er yıllıq «Bütün dünya insan aqlarınıñ qoruvı künü»nde qırımtatarlarnıñ aqları boyunca Qırımtatar milliy meclisiniñ iştiragi olmalıdır.
Qırımnıñ işğalini qabul etken teşkilâtlar ve işğaliciler ile işbirlikte bulunğanlar takbih etilmeli.
2014 senesi oktâbr 11-12 künleri Türkiyede, Eskişehirde, qırımtatarlarnıñ meseleleri boyunca mahsus toplaşuvda alınğan bu vesiqağa bulunğanlardan er bir iştirkçi qol tuttı.
