Link açıqlığı

Donetskke işğal etilgen Qırımda azırlıq körgen rusiyeli yalçılar taqımı (100 insan) keldi, dep haber ete Arbiy-siyasiy taqiqatlar merkeziniñ yolbaşçısı Dmıtro Tımçuk.

Bunı o, öz Facebook saifesinde yazdı.

«Taqım bölüklerge bölüngen, yahşı silâlanğan ve donatılğanlar», – dep yaza arbiy mütehasıs.

Onıñ malümatına keor, Rusiye orduları Mariupol rayonları fotoharitalarınıñ yañartuvını keçireler.

«Novoazovsk rayonında birinci eşelonğa yerli boyevkiler, «kadırovlar» ve Rusiye ordusınıñ daimiy bölükleri ise ekinci eşelonğa kirsetildi», – dep yaza Tımçuk.

Rusi akimiyeti Donbass ziddiyetinde kendi ordularınıñ iştiragini tanımay ve yerli separatistlerge yardımı olğanı aqqında Ukraina tarafınıñ aytqanını red ete.

Keçken raatlıq künleri Rusiye prezidenti Vladimir Putin mudafaa naziri Sergey Şoyguğa Ukraina ile sıñırda yerleşken Rostov vilâyetinde arbiy talimlerde iştirak etken ordularnı qaytarmağa avale etti.

XS
SM
MD
LG