Link açıqlığı

İşğal etilgen Qırımnıñ «baş naziri» Sergey Aksönov «Nazirler şurasınıñ» terkibini tasdiqladı, mında 16 «nazir» çalışacaq.

Qırım «başınıñ» mütenasip qararı öz başına tayin etilgen ükümetniñ saytında aşkâr etildi.

Vesiqağa köre, Sergey Aksönovda beş muavin olacaq: birinci muavin, birisi aynı zamanda içki siyaset, haber ve alâqa «naziri» vazifelerini eda etecek, ekincisi – Rusiye Federatsiyası prezidenti yanında Qırım Cumhuriyeti daimiy temsilcisi olacaq, daa birisi – «Nazirler Şurası» apparatınıñ yolbaşçısı vazifelerini eda etecek. Beşinci muavin daa nasıl vazifelerni becerecegi aqqında malümat yoq.

Bunıñ ile iqtisadiy inkişaf, maliye, medeniyet, kurort ve turizm, köy hocalığı, emek ve içtimaiy qoruv, sağlıq saqlav, mesken-kommunal hocalığı, fevqulâde vaziyetler, sanaiy siyaset, yaqarlıq ve energetika, naqliye, ekologiya ve tabiat resursları, qurucılıq ve mimarcılıq, mülkiyet ve topraq munasebetleri, «adliye nazirlikleri» tasdiqlanıldı.

İşbu nazirliklerniñ memurlarınıñ adları şimdilik belgisizdir.

XS
SM
MD
LG